GRASS FED LIVER.....
Grass fed liver organic animals se paaya jaata hain. Grass fed liver mein poshak tathya paaye jaate hain jaise ki Vitamin A inka sewan karne se aap kai prakaar ke diseases se bach sakte hain. Grass fed woh prakriya hain jo Animals ko khule jagah mein chaara khilaaya jaata hain..Inme Vitamins,A ,D,E, K, B12 Folic acid copper or Iron ki maatra bharpoor paayi jaati hain jo hamaare health ke liye fyaademand saabit hote hain...
BENEFITS OF GRASS FED LIVER......
1.VITAMINS SE BHARPOOR......Grass fed liver mein Vitamin B ki maatra bharpoor paayi jaati hain jo hamaare health ke liye fyaademand saabit hote hain. Vitamins ka kaam hota hain jo hum khaate hain unko chemical energy koshikaon mein parivartan karte hain. Vitamin ka sewan karne se vasa ko kam karta hain or muscles ko bhi strong banaate hain.Grass fed liver ek badiya source hain Vitamin B ka...
2.BENEFITS FOR SKIN....Grass fed liver mein Vitamin A ki maatra bharpoor paayi jaati hain jo skin ke liye beneficial maana jaata hain. Ye immune system ke liye fyaademand hain.Vitamin A ek antioxidant hain jo skin ki koshikaon ko oxidative Stress se bachaata hain. Vitamin A ke alaawa grass fed liver mein copper or glycine ki maatra bharpoor paayi jaati hain ye dono poshak tathya skin ke collagen ke rakh rakhaw mein yogadaan dete hain...
3.PREVENTS CANCER...Grass fed liver antioxidants se bharpoor hota hain. Antioxidants oxidative stress ke khilaaf koshikaon ki raksha karta hain.Jo hamen Cancer jaisi khatarnaak beemaaree se bachaate hain....
4.BONES KO STRONG...Grass fed liver Vitamin K2 ki maatra bharpoor paayi jaati hain. Vitamin K2 calcium santulan ke saath madad karta hain. jo hamaare bones ke liye ek jaroori poshak tathya hain...
5..BOOST IMMUNE SYSTEM....Grass fed liver mein fiber ki maatra bharpoor paayi jaati hain jo hamaare immune system ko improve karte hain. jo log hamesha weak mehsoos karte hain unko suggest karoonga ki grass fed liver ka sewan karen...
SIDE EFFECTS OF GRASS FED LIVER...
Grass fed liver ka sewan pregnancy mein nahi karna chaiye kyoonki inme vitamin A ki maatra bharpoor paayi jaati hain jyaada consume karne se sishu par ghehra asar hota hain. Isliye doctors ke suggesstion par hi iska sewan karen..
Grass fed liver ka jyaada consume karne se gout ho sakta hain. Gout (ARTHRITIS) jo blood mein uric acid ki maatra badne se hota hain jiske kaaran dard joints pain rehta hain. Grass fed liver mein purines ki maatra hoti hain jiske kaaran body mein uric acid banaate hain. Agar aap arthritis ki samasya se pareshaan hain toh iska limited maatra mein sewan karna chaiye..
Grass fed liver ka jyaada use karne se bone mein pain, fractures, nausea, vomitting ki sikaayat ho sakti hain...
SHELLFISH....
Shellfish ek prakaar ki fish hain Ye jyaadatar samundar mein paayi jaati hain or shell bana rehta hain..Inme kai prakaar ki poshak tathya paaye jaate hain. Shellfish duniya mein sabhi log khaate hain. Inme protein, healthy fats , minerals, omega 3 fatty acids paaye jaate hain jo hamaare immune system,weight loss, brain development or heart health ko behtar banaate hain...
BENEFITS OF SHELLFISH....
Shellfish ka sewan karne se Brain,heart or aapki rog pratirodhak chhamata ko badhaata hain..
Shellfish mein calories ki maatra kaafi kam hoti hain jiske kaaran fat loss mein madad milti hain. Protein yukt khaane se pet bhara rehta hain jiske kaaran bhookh nahi lagti or weight loss bhi hota hain...
Shellfish mein Vitamin B12 ki maatra bharpoor paayi jaati hain jo hamen heart health se bachaate hain. Research mein baat pata chali hain ki omega 3 fatty acids ka sewan karne se heart disease ka risk kaafi kam ho jaata hain...
shellfish ka sewan karne se brain development hota hain kyoonki imne Vitamin B12 or omega 3 fatty acids rehte hain jo brain cells ko develop karte hain khaaskar children or adults mein..
Kuch types ke shellfish immune system ko boost karte hain. Body mein immune system weak hone par tarah tarah ke rog paida ho jaate hain. Shellfish antioxidants ki tarah kaam karta hain jo hamen infammation se bhi protect karta hain...
SIDE EFFECTS OF SHELLFISH....
Jyaada sellfish khaane se allergy ki samasya ho sakti hain....
shellfish mein tarah tarah ke metals paaye jaate hain jo aapke body mein health issues saamne laa sakte hain. Sellfish jyaada khaane se foodborne diseases ho sakti hain..
Pregnancy or stanpaan karaane waali ladies ko shellfish ka sewan se parhez karna chaiye...
Aur kuch side effects shaamil hain jaise ki
Ulti or Dast (VOMITING AND DIARRHEA)
Pet dard or cramps ( STOMACH PAIN AND CRAMPS)
Saans lene mein problem(SHORTNESS OF BREATH)
SALMON....
Body ko fit rakhne ke liye nutrition diet jaroori hain. Iske liye kuch log vegetarian toh kuch non-vegetarian foods ka sewan karte hain. Agar baat ho non-veg diet ki toh salmon fish ko sabse behtar maana jaata hain. Salmon ka sewan karne se kai ghambheer beemaaree se ladne mein madad milti hain. Is fish ka weight 57.4 kg or length 1.5 meter tak ho sakte hain....
BENEFITS OF SALMON...
1.Salmon fish khaane se heart related problems patients ke liye fyaademand saabit hote hain. Week mein ek baar salmon fish khaane se heart attack ya anay hirday rog se surakshit rahne mein madad mil sakti hain..
2.Salmon fish mein protein khadya pradaarth ka ek behtar upyog mein laaya jaa sakta hain. Protein body ke liye jaroori poshak tathya hain. Iski fulfillment bones,muscles, or skin ke liye fyaademand saabit hote hain...
3.Skin ke liye salmon fish ke benefits dekhe jaa sakte hain..Inme vitamins ki maatra bharpoor paayi jaati hain jo hamaari skin cells ko repair karti hain or skin mein glow laati hain..
4.Salmon fish ka sewan karne se soojan ki samasya kam ho jaati hain. Salmon fish mein omega 3 fatty acids paaye jaate hain jo anti-inflammatory kriya ko pradarshit kar sakta hain. Agar soojan ki samasya jyaada hain toh medical treatment jaroor le...
5.Brain ke working capacity ko badhaane ke liye salmon fish ke fyaade dekhe jaa sakte hain.Salmon fish mein paaye jaane waale omega 3 fatty acids dimaag ki working ability mein sudhaar kar sakta hain..Jiske kaaran yaad karne ki ability nai cheez sikhne ki chhamata or decision making mein sudhaar ho sakta hain...
SIDE EFFECTS OF SALMON...
Salmon fish ko pakadne ke liye agar kisi chemical substance ka use kiya gaya hain toh nuksaandaayak saabit ho sakta hain...
Salmon fish ko kai dino tak ice mein rakhne or khaane se bachen..
Jyaada salmon fish khaane se allergy ki samasya ho sakti hain. Isliye doctors ki suggestion jaroor le..
Pregnancy mein salmon fish ka sewan limited maatra mein karna chaiye. Salmon fish mein mercury ki maatra kaafi hoti hain jo bhroon ke vikaash or nervous system mein negative prabhaav daal sakte hain...
Salmon fish ko badiya tarah se pakaane ke baad hi sewan karna chaiye. Kachchi ya kam paki hui salmon ka sewan karne se TAPEWORM BACTERIA ho sakte hain. Jinhe hum (DIPHYLLOBOTHRIUMLACTUM) kaha jaata hain jo pareshaani mein daal sakte hain.....
EGGS...
Woh kahaavat toh sunee hogi Sunday ho ya monday roj khaao ande or fit raho.Ji haa eggs ko superfoods kaha jaaye toh galat nahi hoga.Eggs mein bharpoor maatra mein poshak tathya paaye jaate hain jo aapke health ke liye fyaademand saabit hote hain. Inme Protein ki maatra bharpoor hoti hain jiske kaaran aap energetic feel karte hain...
BENEFITS OF EGGS...
1...FOR WEIGHT LOSS....Agar aap weight loss karna chahte hain toh eggs ka sewan jaroor karen. Eggs ko ek baar khaane ke baad kaafi der tak bhookh nahi lagti, jiske kaaran aapka weight control mein rehta hain. Agar aap weight loss karna chahte hain toh egg ka white portion apne aahar mein shaamil karen...
2..FOR BONES....Eggs mein bharpoor maatra mein phosphorus Vitamin D Calcium paaye jaate hain jo Bones ko strong banaane mein help karte hain. Agar aap chahte hain ki aap ke bones lambe samay tak strong rahe toh apni diet mein eggs jaroor shaamil karen...
3...OORJA BADHAAYE....Eggs ka sewan karne se aapko oorja received hoti hain. Eggs mein protein ka source maana gaya hain. Jiske kaaran body mein oorja milti hain. Eggs khaane se body mein energy milti hain...
4...FOR HAIR GROWTH....Eggs ke fyaade hair ke liye bhi hote hain...Hair growth ke liye protein kaafi jaroori hain or eggs protein ka Source hain. Isliye aapko suggest karoonga eggs ka sewan aapke hair ki growth karti hain...
5...FOR BRAIN....Eggs brain ke liye kaafi fyaademand saabit hote hain.Inme omega 3 fatty acids or Vitamin B12 hota hain. Jo aapke brain cells ko kaafi fyaada pahuchaate hain..Agar aapko dimaag tej karna hain toh eggs ka sewan jaroor karen..
SIDE EFFECTS OF EGGS...
EGGS KHAANE KE FYAADE HAIN TOH KUCH NUKSAAN BHI HOTE HAIN...
Jin logon ko allergy hain unko eggs ka sewan nahi karna chaiye. Aise mein eggs khaane ke baad body par Red nishaan, itching, aankhon mein paani aana, or Constipation jaise lakshan nazar aa sakte hain..Isliye jyaada eggs khaane se bachen ya doctors se suggestion le...
Jin logon ko high blood pressure ya diabetes ki problem hain unko eggs ka yellow portion nahi khaana chaiye kyoonki inme cholestrol jyaada hota hain jo body ke liye nuksaan hota hain..
Garmi ke time mein eggs ka sewan dhyan se karna chaiye kyoonki inse pet garam ho jaata hain jo ek samasya hain..
Eggs ko badhiya tarah pakaakar hi khaaye. Kyoonki aadha pake eggs mein salmonella bacteria hota hain jiske kaaran food poisoning ho sakti hain..
Agar aap eggs ka jyaada sewan karte hain toh kidney ko nuksaan panhucha sakta hain. Kyoonki eggs mein bahut jyaada protein paaya jaata hain iska jyaada sewan kidney ke liye nuksaan saabit ho sakte hain....
KALE....
kale ko hindi mein karam saag kaha jaata hain.Iska use salaad ke roop mein bhi prayog kiya jaata hain. Inme paaye jaane waale poshak tathya healthy skin, Hair or bones ko strong rakhne ki capacity rehti hain. Inme paaye jaane waale fiber body mein paachan kriya ki chhamata ko badhaati hain.Yeh bilakul sarason ke saag ki tarah hota hain.Kale bazaar mein aaram se mil jaata hain. Inke andar Vitamins,Fiber, or Minerals jaise poshak tathya ki maatra bharpoor paayi jaati hain. Kale ka sewan aap salaad,sabji banaakar bhi khaa sakte hain...
BENEFITS OF KALE...
1..Age badhne ke saath saath hamaari aankhon ki roshni ka kam hona aam baat hain. Kale mein bharpoor maatra mein Vitamin hota hain jo hamaari aankhon ki roshni ko tej karne mein madad karta hain. Yeh sirf children ke liye nahi balki adults or aged logon ke liye bhi fyaademand saabit hota hain...
2...Green vegetables hamesha se hi aapki skin or saundaryta no nikhaarane mein madad karte hain. Kale mein Vitamin E ki maatra bahut hain.Jo hamaare face ko sundar banaane mein help karta hain. Agar aap daliy kale ka sewan karte hain toh aapke health ke saath saath aapke face ko bhi oorjawaan banaaye rakhne mein help karta hain...
3...Kale mein bharpoor maatra mein calcium paaya jaata hain iske alaawa kale mein Vitamin A, C, or K bhi hota hain. Cancer se fight karne ke liye high maatra mein Vitamin k bhi hota hain. Kale ka sewan karne se immunity power mein improvement hoti hain...
4..Kale mein Vitamin K bharpoor maatra mein paaya jaata hain jo aapko healthy rakhne mein madad karta hain. Ye heart related problems ko theek karne mein madad karta hain. Ye blood ko bhi saaf karta hain....
5...Kale mein bharpoor maatra mein Iron paaya jaata hain.Iron badhiya health jaise enzymes haemoglobin body mein sabhi bhaago ko oxygen pahuchaane cells ka vikaash or liver ko sahi tarike se kaam karne ke liye bahut jaroori hain..
SIDE EFFECTS OF KALE...
Jin logon ko kidney se sambhandhi problems hain.unhe kale ka sewan karne se bachchna chaiye.Kyoonki aadhik pottasium ka sewan health ke liye haanikaarak hota hain...
Pergnancy mein agar kale ke roop mein fiber ka jyaada sewan kar leti hain toh iske kaaran bachche mein pet dard soojan gas jaisi samasya ko janam de sakti hain...Jab bhi aap ladies ko kale ka sewan karvaaye toh doctor ki suggestion jaroor le...
Kale ko sahi tarike se pakaakar sewan na kiya jaaye toh Goitre, Thyroid gland ko incerase hona or soojan hona jaisi diseases ki samasya ho sakti hain...
kale mein pottasium ki maatra bharpoor paayi jaati hain. Jyaada kale ka sewan karne se pottasium ki maatra badh sakti hain jiske kaaran heart se related problems ho sakti hain...
SEAWEED...
Seaweed waterfalls Nadiyon or samundar jaise jal strot mein paaye jaane waale poshak tathya se bharpoor hain..Samundar tat par paaye jaane waale seaweed jyaada chote aakar ke hote hain. Yeh red, green, black or brown colour ke hote hain. Samundar mein paaye jaane waale ke kaaran inme kaafi nutrition paaye jaate hain. Yeh China, South korea, Japan, Indonesia, Philippines mein sabse jyaada paaye jaate hain. Ye jyaada soup, Salaad mein milaakar khaaya jaata hain. Rome mein iska use injury body ke jale hue hisson ko theek karne mein kiya jaata hain...
BENEFITS OF SEAWEEDS...
1 Seaweeds vegetarian logon ke liye bahut hi achcha source hain kyoonki isme bahut jyaada poshak tathya or minerals paaye jaate hain. Inme Calcium,Magnesium, Potassium, Copper, or Iron ki maatra bharpoor paayi jaati hain..
2.Seaweed mein Iodine ki maatra kaafi kam hoti hain jiske kaaran Thyroid gland ko healthy rakhta hain...
3...Seaweed mein fiber ki maatra bharpoor paayi jaati hain jiske kaaran ye bad cholestrol ko kam karne mein madad karte hain...
4...Seaweed ka sewan karne se pet bhara-bhara lagta hain. Jiske kaaran bhookh bhi kam lagti hain.Jab bhookh bhi kam lagti hain jab bhookh kam lagti hain toh weight loss hone lagta hain..
5..Seaweed mein bharpoor maatra mein omega 3 fatty acids protein iron copper hota hain jiske kaaran health problem door rehti hain...
6...Inme antioxidants ki maatra bharpoor paayi jaati hain jo koshikaon ko nuksaan pahuchaane waale rogon se ladte hain.
7...Ye blood mein sugar ke level ko control rakhne mein madad karte hain jiske kaaran Diabetes par control rehta hain..
8...Inme Vitamin A, C, E , K bharpoor maatra mein paayi jaati hain. Saath hi saath zinc sodium ka bhi achcha source hain...
9...Seaweed ka sewan karne se heart related problems ko kam karne mein help karte hain...
SIDE EFFECTS OF SEAWEEDS....
Jyaada seaweeds ka sewan karne se VITAMIN B12 ko block kar deta hain iske saath aap inke supplements jaroor le..
seaweeds jaha se aa rahe hain dhyan rakhe ki waha ka watersource saaf suthara ho, Kyoonki ye water mein paaye jaane waale saare Minerals absorb kar lete hain...
Seaweeds mein fiber ki maatra bharpoor paayi jaati hain. Jyaada iska sewan karne se pet mein dard gas soojan or kabj paida kar sakta hain..
Seaweeds mein Iodine ki maatra kaafi hoti hain agar aap iska sewan karte hain toh thyroid ya medicines ke saath prabhaavit kar sakta hain..
Seaweeds mein Vitamin Ki maatra bharpoor paayi jaati hain jo blood patla karne waali medicines jaise ki warfarin ko prabhaavit kar sakti hain. Seaweed mein pottasium ka level jaise ki kidney problems nausea or weakness ho sakti hain....
CACAO....
Cacao ka naam lete hi dimaag mein sable phela dhyan chocolate ka aata hain. Cacao ka use chocolate cake, Milkshake banaane mein kaam aata hain. Cacao ka use karne se body ko fyaada deta hain. Jaise ki High blood pressure, Cholesterol, obesity, constipation, Diabetes Asthma etc.Ye diseases se ladne mein fyaademand Saabit hota hain. Iski sabse jyaada farming Amazon area mein ki jaati hain. Yeh Mid or South America ki ek mahatvapoorn phasal maani jaati hain....
BENEFITS OF CACAO....
1.Cacao ka sewan karne se obesity pe control paaya jaa sakta hain. Agar aap iska regular sewan karen toh pet ke aas paas ka fat or weight control mein kaafi sudhaar milega.Cacao mein paaye jaane waale Antioxidants body mein leptin naamak hormone ko increase karta hain jo bhookh ko control karne mein help karte hain...
2...Cacao ka sewan karne se mood ko behtar banaata hain or depression se door rakhta hain. Cacao mein falvonoids hote hain. Ye compounds mood ko behtar banaane mein help karte hain. Cacao mein paaye jaane waale polyphenols Anti-depressant ki tarah body mein kaam karte hain...
3...Cacao diabetes patients waalon ke liye vardaan saabit hote hain. Cacao mein maujood phlevenols Type 2 diabetes ko control karne ka kaam karte hain. Bazaar mein bikane waale kai cacao mein phlevenols ki maatra kam or sugar ki maatra jyaada hoti hain. Type 2 diabetes ke patients mein glucose ki maatra ka starr badh sakta hain. Dhyan rakhe ki bazaar mein kharide gaye cacao powder mein sugar ki maatra na ho....
4....Cacao ka use hair ke liye bhi fyaademand Saabit ho sakta hain. Cacao mein Anti-inflammatory gunn hota hain. Ye gunn scalp ki soojan or dandruff ko kam karne ka kaam kar sakta hain...
5....Cacao ka use kai health samasyaon ke liye kiya jaa sakta hain. Cacao mein tannin paaya jaata hain jo teeth ke caries, teeth ke kharaab hone se bachaane mein kuch hadd tak help kar sakta hain...
SIDE EFFECTS OF CACAO...
Cacao mein caffeine or chemicals ki maatra jyaada hoti hain. Jyaada khaane se body mein side effects ho sakte hain jaise ki ghabraahat increased urination behoshee aana dil ki dhadkan badh sakti hain....
Cacao se allergy ho sakti hain kabj ho sakti hain or headache bhi ho sakta hain. Inme pet mein matli pet mein asubidha pet phoolana gas jaise paachan sambhandhi problems ho sakte hain...
Cacao pregnancy mein stanpaan ke jyaada lene se prasav garvapaat ho sakti hain...
Jyaada cacao ka sewan karne se diabetes patients ke liye nuksaandaayak hota hain kyoonki isme sugar ki maatra bharpoor paayi jaati hain jo blood sugar levels ko increase karte hain...
Cacao heartbeat ko badhaa sakte hain...
Cacao mein caffeine hota hain jiske kaaran aankhon mein pressure aata hain jo glaucoma ka kaaran ban sakta hain...
AVOCADO....
Avocado ki count world ke popular fruit mein ki jaati hain. Inme maujood poshak tathya ki maatra bharpoor paayi jaati hain. Avocado ka scientific name PERSEA AMERICANA hain. Is fruit ki shuruaat 7000 years phele South Mexico or Colombia mein hui thi...Ye ek Bade aakaar ka berry ki tarah dikhne waale guddedaar fruit hain. Bade aakaar ke kaaran isse Alligator Pear ke naam se bhi jaana jaata hain...
BENEFITS OF AVOCADO....
1...Agar aapko heart related diseases hain toh suggest karoonga ki aap avocado ka sewan karen. Avocado mein badhe hue cholestrol or blood pressure ko kam karne ka gunn maujood hota hain.Jo heart health ke liye fyaademand hain.Inme monosaturated fatty acids ke saath saath fiber pottasium magnesium or Vitamin E B paaye jaate hain jiske kaaran body ko healthy banaaye rakhne mein help karte hain...
2...Avocado mein bharpoor maatra mein fiber paaye jaate hain. Iski fiber ki maujoodagee ke kaaran avocado paachan kriya ko sudhaarane mein kaaragar saabit ho sakta hain. Avocado mein maujood fiber aanton mein maujood good bacteria ko badhaava dene ka kaam karta hain. Jo paachan mein sahaayak hote hain...
3...Avocado diabetes Type 2 ke patients ke liye fyaademand saabit ho sakta hain. Inme paaye jaane waale Monounsaturated fatty acids yukt hone ke kaaran lipid profile mein sudhaar kar sugar levels ko control kar sakte hain...
4...Avocado fruit mein VITAMIN A, B, B1, B2, E or C ke saath kai anay prakaar ke poshak tathya paaye jaate hain. Ye poshak tathya hair ke vikaash ko badhaava dene mein important bhoomika nibhaate hain...
5...Dimaagee Vikaash ke liye avocado fruit fyaademand saabit ho sakte hain. Avocado mein lutein naam ka ek khaas tathya paaya jaata hain jo Brain Development mein aham bhoomika nibhaate hain...
SIDE EFFECTS OF AVOCADO...
Avocado ek gunakaari fruit hain jo fyaada pahuchaate hain lekin kuch kuch maamalon mein harmful bhi ho sakte hain...
Avocado mein less calories or fiber ke kaaran yeh weight loss karne mein sahaayak ho sakte hain..Lekin inme fat ki badhiya maatra bhi hoti hain. Iska jyaada sewan weight increase ka kaaran bhi ban sakta hain...
Jinki skin bahut hi jyaada sensitive hain unko suggest karoonga ki avocado ka sewan kam karen kyoonki isko khaane se allergy ki problems ho sakti hain...
Agar aap jyaada avocado ka sewan karte hain toh isse aapka pet kharaab hoga..kabhi kabhi ye (GASTROINTESTINAL IRRITATION) ka bhi kaaran banta hain...
Avocado ka sewan aapke cholestrol ke level kam kar deta hain agar aap isse badi maatra mein lete hain toh ye aapke body ko nuksaan pahuchaayega..
Jyaada avocado ka sewan karne se liver ko nuksaan pahuchaata hain...
SARDINES...
Sardines fish samundar mein paaye jaane waali ek choti si fish hain..Jo swaad mein behatareen hoti hain.Inme omega 3 fatty acids ki maatra bharpoor paayi jaati hain jo hamaare body development mein madad karte hain. Fresh sardines hamesha Grilled, Pickle, Smoked or Canned mein hote hain. Sardines mein mercury ki maatra kaafi kam hoti hain jiske kaaran ye doosaree fish se alag banaata hain...
NUTRITION VALUE OF SARDINES. .
Indian sardines mein poshak tathya paaye jaate hain jaise ki...
VITAMIN B12
SELENIUM
PHOSPHORUS
OMEGA 3 FATTY ACIDS
CALCIUM
PROTEIN
VITAMIN D
100GM SERVING OF SARDINES CONTAINS..
152 KCAL
PROTEIN 17.9 GM
FAT 1.9 GM
FOLATE 2255 MG
VITAMIN D3 3.51 MG
OMEGA 3 FATTY ACIDS 2.205 GM
CALCIUM OF RD1 38%
SELENIUM OF RDI 75%
VITAMIN B12 OF RDI 200%
BENEFITS OF SARDINES....
1.Sardines mein omega 3 fatty acids ke kai health benefits hain jaise ki soojan ko kam karta hain heart health mein sudhaar karta hain..Brain vikaash ko improve karta hain. Indian sardines bhi sabse sasti fish mein se ek hain jo health benefits bharpoor maatra mein hain...
2...Sardines ka regular sewan karne se heart related problems ko control rakhne mein help karte hain. kyoonki inme omega 3 fatty acids hote hain jo ki unhealthy cholesterol levels or triglycerides ko kam karte hain...
3..Sardines ka sewan karne se blood clots ko rokhta hain soojan ko kam karta hain. Antioxidants gunn paaye jaate hain omega 3 fatty acids sardines khaane se eyes ki vision improvement hoti hain. ..
4..Sardines khaane se bones ko majboot karta hain. Sardines mein calcium or phosphorus bharpoor maatra mein paaye jaate hain...Sardines immune system ko strong karne mein help karta hain....
5..Sardines aapke sundarata mein sudhaar karta hain.Regular sewan se aapki skin chamakata glow aa jaata hain..Healthy vasa or protein ke kaaran insulin level ko kam karta hain jo blood mein sugar level ko kam karta hain. Diabetes par control rakhta hain....
SIDE EFFECTS OF SARDINES...
Jin logon ko kidney ki samasya ya gout hoti hain unhe sardines ke sewan se bachana chaiye. Unme ek svaabhaavik roop se ek pradaarth hota hain jo uric acid banaata hain...
Canned sardines khaane se phele label ki checking jaroor karen..Sardines ke calories ki maatra bhi dekhna bhi jaroori hain. CALORIES mein high hote hain. Garmi jyaada hone se canned sardines kharaab ho sakte hain. Canned fish low acid foods hote hain. Canned fish kam acid waala bhojan hain jo CLOSTRIDIUM BOTULINUM (heart tolerant bacteria) paida karte hain jo ek toxin ke samaan hain..
Sardines fish mein bacteria ka vikaash hota hain. Ye bacteria protein ko histamine mein badalte hain jo allergic reaction ka kaaran ban sakta hain. .
Jyaada sardines khaane se Matli, Ulti, pet mein aithan chakkar aana headache ho sakta hain...
SHIITAKE MUSHROOMS....
Shiitake mushrooms jyaadaatar East Asia mein paaye jaane waala ek khadya fungus hain..Iska scientific name ( LENTINULA EDODES) hain.Yeh ek aisi prajaati hain jo cancer or Aids jaise diseases se ladte hain.Ye stomach or colon cancer mein fyaademand saabit hote hain. Shiitake mushrooms ka use medicine banaane mein prayog kiya jaata hain. Is aushadhi mushrooms mein antioxidants, Anti-Aging ke saath saath Vitamin D selenium zinc ki bharpoor maatra paayi jaati hain jiski wajah se is mushroom ka use kai medicines banaane ke liye bhi kiya jaata hain....
BENEFITS OF SHIITAKE MUSHROOMS....
1.Shiitake mushrooms mein Beta glycine or linoleic acid paaye jaate hain jo aapke prostrate cancer or breast cancer ke risk ko kam karte hain...
2..Shiitake mushrooms ka regular sewan karne se aap apne weight par control kar sakte hain..Aap isse boiled ya salaad ke roop mein khaa sakte hain..
3..Shiitake mushrooms mein selenium ki maatra bharpoor paayi jaati hain jiske kaaran immunity power ko boost karta hain. Saath hi saath body mein cough or cold jaisi samasyaon ko bachaane mein help karta hain...
4..Inme paaye jaane waale nutrients or enzymes heart related problems ke risk ko kam karte hain. Weekend mein kam se kam 3 baar sewan jaroor karen..
5.Shiitake mushrooms mein carbohydrates ki maatra bharpoor paayi jaati hain jiske kaaran apaj, pet dard, constipation, gas , or acidity ki samasya se raahat milti hain. .
6..Shiitake mushrooms ka sewan karne se insulin mein sugar ke levels ko kam karte hain jiske kaaran Diabetes waale patients logon ke liye fyaademand saabit hote hain..
SIDE EFFECTS OF SHIITAKE MUSHROOMS....
Jyaada shiitake mushrooms consume karne se skin par red rashes nikal aate hain..
Dermatitis skin related diseases hain.Jyaada shiitake mushrooms ka sewan na karen..
Shiitake mushrooms powder ka extract lambe samay tak use karne se pet mein bechainee ho sakti hain..
Jyaada shiitake mushrooms ka sewan karne se pet mein dard,Blood ke vikaar, Skin par soojan, sun ki roshni se hone waali jalan saans sambhandhi takleef or allergic reaction ho sakte hain..
Yadi aap pregnant hain ya breastfeeding kara rahi hain,dono hi situation mein sirf doctors ki suggestion par hi mushrooms ka sewan karna chaiye...
Agar aapko blood disorder jise hum (EOSINOPHILIA) kehte hain agar ye condition hain toh shiitake mushrooms ka sewan na karen ye eosinophilia ko worse bana sakte hain..
SPINACH.....
Spinach nishchit taur par ek behatareen sabji hain jiska sewan body ke liye fyaademand hain..Paalak mein kai prakaar ke poshak tathya paaye jaate hain jo health ke liye fyaademand saabit hote hain. Yeh Vitamin, Khanij, Calcium, Magnesium, Manganese, phosphorus, copper, folate protein or fiber ka badhiya source hain. Iske alaawa yeh flavonoids or carotenoids se bhi bharpoor hain. Aap iska use salaad, soup, dalia ya khichadi ke roop mein khaakar anand le sakte hain....
BENEFITS OF SPINACH....
1.Agar aapke body ke andar iron ki kami hain toh suggest karoonga ki aap spinach ka sewan jaroor karen. Iron ki kami se Anemia ka khatra ho sakta hain. Body mein iron ki maatra badhaane ke liye aap spinach ka sewan kar sakte hain....
2. Aaj ke generation mein log apne kaam mein itne busy ho gaye hain ki thakaavat hona aam baat hain..Paalak ka sewan karne se body mein aaram milta hain. Kyoonki inke andar calcium ki maatra bharpoor paayi jaati hain. Calcium ka sewan karne se body ke muscles ko aaram milta hain...
3.Agar aap beemaaree se bachana chahte hain toh paalak ka sewan jaroor karen...kyoonki paalak mein Vitamin E ki maatra bharpoor paayi jaati hain or Vitamin E rog pratirodhak chhamata badhaane ka kaam kar sakta hain....
4.Paalak ka sewan karne se anemia ke rog se door reh sakte hain. Anemia body mein RED BLOOD CELLS ki kami ka sabse jyaada risk pregnancy ke time mein dekhne ko milta hain..Iron ki kami ke wajah se ho sakta hain. Isliye aap spinach ka sewan jaroor karen
5. Heart attack ke risk se save rehne ke liye aap spinach ka sewan kar sakte hain. Paalak mein nitrate poshak tathya se bharpoor vegetables mein shaamil hain jo stroke or heart attack ki wajah se hone waali maut ke Jokhim ko kam kar deta hain..
SIDE EFFECTS OF SPINACH....
SPINACH KHAANE KE FYAADE OR NUKSAAN DONO HAIN...
Paalak mein calcium ki maatra bharpoor paayi jaati hain jiske kaaran heart disease ka risk ban jaata hain..
Paalak mein fiber ki maatra bharpoor paayi jaati hain iska jyaada sewan karne par soojan or pet mein aithan ki samasya ho sakti hain...
Paalak mein potassium ki maatra bharpoor paayi jaati hain jiske kaaran vomitting, diarrhoea ka kaaran ban sakta hain...
Paalak ka sewan karne se teeth mein gritty badh jaati hain. Aisi samasya se bachane ke liye paalak ke sewan ke baad brush jaroor karen...
Paalak mein purine ki maatra bharpoor paayi jaati hain jo body mein uric acid ki maatra badhaa deta hain....
ALMONDS...
Almonds Vitamin , Protein or Fiber ki maatra bharpoor paayi jaati hain. Almonds ka sewan milk mein daalkar,water mein bhigokar or anay khadya pradaarth ke saath inka sewan kar sakte hain. Almonds ka sewan karne se cholestrol level kam kar deta hain. Healthy rahne ke liye daily almonds ka sewan karna chaiye. Almonds mein paaye jaane waale poshak tathya memory power ko improve karta hain...
BENEFITS OF ALMONDS....
1.Almonds mein Calcium ki maatra bharpoor paayi jaati hain. Calcium bones ke liye jaroori hota hain. Almonds ka sewan karne waalo ki bones ki beemaaree osteoporosis hone ka risk kaafi kam ho jaata hain. Calcium teeth ko bhi strong banaane ka kaam karte hain...
2. Almonds mein fiber ki maatra bharpoor paayi jaati hain hamaari paachan kriya ko strong banaaye rakhne ka kaam karti hain. Paachan kriya theek rehne se colon cancer ka risk kaafi kam ho jaata hain...
3. Research mein baat pata chali hain ki jo log iska sewan karte hain woh diabetes se bach sakte hain. Almonds mein maujood poshak tathya bhojan ke baad badhne waali blood sugar level ko kam karne mein help karte hain. Isliye suggest karoonga ki aap almonds ka sewan jaroor karen...
4.Memory power ko healthy banaaye rakhne ke liye almonds ko kaafi upyogi maana jaata hain. Almonds ka sewan Alzheimer's or anay brain sambhandhi rogon ko door karne mein help karta hain.Daily morning mein 4-5 Almonds khaane se dimaag tej hota hain...
5..Almonds ka oil hair ke sabhi prakaar ke samasyaon ko door karne mein help karte hain
Isse hair fall dandruff or samay se phele safed hona shaamil hain. Iske saath saath baalo ko majboot banaane ka bhi kaam karta hain. Baalo ko chamakadaar or growth bhi badhaata hain...
SIDE EFFECTS OF ALMONDS...
Jaroorat se jyaada almonds ka sewan karne se aapke body mein toxins ka level badh sakta hain.Kadave Almonds mein hydrogen cyanide acid ki maatra jyaada hoti hain. Aise mein aapke nervous system ko slow kar sakte hain. Saath hi saath saans sambhandhi beemaaree bhi ho sakti hain....
Hamen har din kam se kam 15gm Vitamin E ki jaroorat hoti hain..Jyaada maatra mein almonds khaane se body mein vitamin ka intake jyaada ho sakta hain. Body mein Vitamin E ka overdose hone se diarrhoea gas ki samasya headache jaisi samasya ho sakti hain...
Almonds mein calories or fat ki maatra kaafi jyaada hoti hain. Hamaare body ko har din 2000 calories ki jaroorat hoti hain. Aise mein agar aap jyaada calories burn karne waale exercise nahi karte toh aapke weight increase ho sakta hain. Weight loss karna hain toh almonds ka sewan kam karna chaiye...
Almonds mein fiber ki maatra bharpoor paayi jaati hain jaroorat se jyaada almonds ka sewan karne par kabj or soojan ki samasya ho sakti hain...
Jin logo ko kidney mein stone ya gall bladder jaisi koi samasya hain unhe almonds ka sewan nahi karna chaiye. Almonds mein oxalate aadhik maatra mein hota hain...Isliye almonds ka sewan kam karen..
GRASS FED BEEF....
Grass fed beef sabse jyaada poshak tathya paaye jaate hain. Inke andar vyaapak micronutrients profile hote hain or inme badhiya maatra mein brain boosting omega 3 fatty acids hota hain. Cattle grass par charne ke liye hota hain..
BENEFITS OF GRASS FED BEEF...
1.Grass fed beef mein calories ki maatra kam hoti hain agar aap yearly ek vashist maatra mein grass fed beef khaate hain jo ki America mein lagbhag 67 pounds hain. Toh grass se gomaansh khaane se aapko 16,642 calories ki bachat hogi..Grass khilaaye jaane waale maveshiyon se beef total vasa saamagri se kam hota hain. kyoonki unka aahaar natural or healthy hota hain..
2.Grass fed beef khaane se healthy blood sugar ke levels ko badhaane mein help karta hain. Inka sewan karne se obesity or Diabetes ki rokathaam mein help mil sakti hain. Insulin ki dose blood sugar ko healthy banaane mein madad karti hain. Carbohydrates ka kam use high vasa waale ketogenic blood glucose mein vrddhi ko rokhta hain...
3...Grass fed beef mein conjugated linoleic acid paaya jaata hain CLA ek prakaar ke anticancer se praapt kiye jaane waale poshak tathya mein se ek hain CLA ko cancer se bachaav karne waale sabse majboot poshak tathya mein se ek maana jaata hain...
4...Grass fed beef mein healthy vasa hoti hain grass khilaaya gomaansh anaaj se gomaansh ke comparison mein 6 gunna jyaada omega 3 fatty acids pradaan karta hain..Omega 3 fatty acids ka sewan karne se soojan kam karne mein yogadaan pradaan karte hain. Arthritis ko kam karta hain memory power increase karta hain...
5..Grass fed beef heart health ko improve karta hain...
NUTRITION VALUE OF GRASS FED BEEF.
One grass fed beef (214 gm) contains..
49 GM PROTEIN
OMEGA 3 FATTY ACIDS 45 MG
RIBOFLAVIN 0.3 MG ( 16% DV)
VITAMIN B6 1.4 MG ( 70% DV)
NIACIN 14.3 MG ( 72% DV)
FOLATE 28 MCG ( 7% DV )
VITAMIN B12 2.7 MCG ( 2.7 % MCG )
PANTOTHENIC ACID 1.5 MG ( 15% MG )
CHOLINE 139 MG
BETAINE 16.3 MG
CALCIUM 19 MG ( 2% DV)
IRON 4MG ( 22% DV )
MAGNESIUM 49 MG ( 12% DV )
PHOSPHORUS 454 MG ( 45% DV )
POTASSIUM 732 MG ( 21% DV )
SODIUM 118 MG ( 5% DV )
ZINC 7.7 MG ( 52% DV )
SELENIUM 4.5 MCG ( 64% DV )
SIDE EFFECTS OF GRASS FED BEEF...
Grass fed beef regular beef ke comparison mein costly hota hain..
kuch log kehte hain ki grass fed beef environment ke liye nuksaan hain..
BOK CHOY....
Bok choy chinese cabbage ka ek prakaar hota hain jo patta gobhi se bilkul alag dikhti hain.Iski white colour ki tahanee aur gehre green colour ke patte hote hain. Inme protein, fiber, or body mein kiye jaroori vitamin or khanij tathya paaye jaate hain. Bok choy ka sewan karne se cancer ke jokhim ko kam kiya jaa sakta hain...
BENEFITS OF BOK CHOY...
1. Bok choy mein VITAMIN C paaya jaata hain jo antioxidant ki tarah kaam karta hain or free radicals se koshikaon ko nast hone se bachaata hain..
2..Bok choy ka sewan karne se aapki bones strong ho sakti hain kyoonki bones ki majbooti ke liye calcium ke saath saath magnesium phosphorus or vitamin ki bhi jaroorat hoti hain. Isliye suggest karoonga ki aap iska sewan karen..
3...Bok choy ka sewan karne se aapke heart healthy rehti hain. Jo log heart related problems se pareshaan hain unko suggest karoonga ki bok choy ka sewan karen..Heart ki dhadkan ko control rakhne mein madad karta hain. Magnesium or calcium bones ko healthy rakhne mein madad karte hain..
4..Bok choy ka sewan karne se aap Breast, prostrate lungs or colon cancer se bach sakte ho..
5..Bok choy mein antioxidants paaye jaate hain jo soojan ko kam karte hain...
SIDE EFFECTS OF BOKCHOY. ..
Bok choy ka benefits hain toh iske nuksaan bhi hote hain. Bok choy ko goitrogenic maana jaata hain or iska matlab hain ki isme chemicals hote hain jo thyroid hormones ko badhaa dete hain...
Raw bok choy mein myrosinase naam ka ek enzymes hota hain jo thyroid ke kaarya mein deri kar sakta hain or body mein iodine ko delay karne se rokhta hain..
Bok choy mein VITAMIN K bharpoor maatra mein paaya jaata hain jyaada consume karne se ye warfarin jaise logon ko vitamin k ki maatra mein achaanak parivartan nahi karna chaiye..
kuch logon ne kai months tak daily 2 se 3 pound bok choy ka sewan kiya jiske kaaran severe hypothyroidism or myxedema coma or respiratory failure developed kiya..
TOMATOES...
Hamaare desh mein tomato sabse important vegetables mein se ek hain. Lagbhag desh ke har ghar mein sabji banaate samay tomatoes ka use hota hain. Iske bina khaane ka swaad adhoora rehta hain. India mein tomatoes ki sabji ke alaava soup, salaad, or chutney mein use kiya jaata hain..Tomatoes mein kai prakaar ke Vitamin or poshak tathya paaye jaate hain...
BENEFITS OF TOMATOES...
1.Tomato ka juice peene se body mein cholestrol level bana rehta hain.
2.Arthritis jaise beemaaree mein tomato bada fyaademand hota hain. Daily tomato ke juice mein ajwain milaakar peene se arthritis ke dard se aaram milta hain..
3..Tomatoes mein bharpoor maatra mein Vitamin maujood hota hain isliye doctors pregnant ladies ko tomatoes khaane ki salaah dete hain. Agar aapke pet mein worms ki shikaayat hain toh daily subhah khali pet tomatoes mein kaali mirch ke saath khaana chaiye..
4.Tomatoes ka sewan karne se face ke liye fyaademand saabit hota hain. Daily subhah tomatoes mein kaala namak milaakar peene se skin par chamak badhti hain. Chehre par muhaase ke liye tomatoes fyaademand saabit hote hain...
5..Tomatoes ka sewan karne se hamaari eyes ki roshni mein sudhaar karta hain. Tomatoes mein paaye jaane waale antioxidants gunn cancer or heart related problems se prevent karte hain..
SIDE EFFECTS OF TOMATOES...
Tomatoes ka jyaada sewan karne se pet dard or gas ki samasya ho sakti hain..
Tomatoes mein kuch aise carotenoids hote hain jo immune system ko prabhaavit karte hain. Raw tomatoes jyaada khaane se immune system par bura asar padta hain..
Tomatoes ka lagataar sewan karne se aapki skin ka rang badal sakta hain...
Aaj kal bazaar mein organic tomato ke badle mein chemical ya injection ka use kar pakaaye gaye tomatoes available hain jo aapke liye bechainee blood pressure or heart related problems ho sakti hain. ..
Jyaada tomatoes ka sewan karne se acidity ki samasya ho sakti hain or seene mein jalan ki shikaayat ho sakti hain...
MUJHE UMMID HAIN KI AAPKO MERA ARTICLE PASAND AAYA HOGA.....
THANKU...
MANISH AGARWAL
POSTED TO....
TRIBHUVAM....
0 Comments:
एक टिप्पणी भेजें