Aaj ke generation mein har koi chaahata hain ki uski sundarata barakaraar rahe, agar face pe glow nahi rahega toh aapki personality par bhi asar padta hain. Har insaan ke chehre pe chamak or khoobasooratee maayne rakhti hain, Aaj bazaar mein tarah-tarah ke cosmetics products or beauty products paaye jaate hain inme maujood chemicals face par glow laa sakte hain but kuch side effects bhi hote hain. Agar aapko face mein glow chaiye toh kuch aise foods hain jo aap consume karke apne skin ko healthy or glowify kar sakte hain toh aaiye jaante hain...PAPAYA.....
Agar aapko skin pe glow chahiye toh papaya ka sewan jaroor karen. Papaya mein Vitamin A ki maatra or enzymes bharpoor paaya jaata hain. Inme Vitamin B , C Pottasium, Copper , Magnesium or antioxidants bhi paaya jaata hain. Raat ko sone se phele paka papaya khaane se pet saaf rehta hain or skin pe glow aata hain. Ye dry skin ko moisturize karke soft banaata hain...
Tips for glowing skin...
Papaya ko peesh kar uska gaadha paste apne chehre par lagaaye, 10-15 min baad face ko saaf paani se dho le Aisa karne se face par ek alag glow aata hain..
ORANGES....
Oranges mein Vitamin C ki maatra bharpoor paayi jaati hain jo hamaare face pe glow laati hain. Santare ka juice or santare ke chhilake se kai prakaar ke facewash, facepack banaaye jaate hain.Oranges winter mein tvacha ke liye kaafi achcha hota hain. Santare ke chhilake mein bacteria se ladne waale gunn paaye jaate hain isliye suggest karoonga ki orange ka sewan jaroor karen...
Tips for glowing skin..
1 teaspoon orange ka juice ko face par cotton se lagaaye or 10 min baad water se achchi tarah dho le jiske kaaran face pe glow aayega..
STRAWBERRIES...
Strawberry ka sewan karne se face par glow aata hain.Kyoonki inme Antioxidants or Vitamin C ki maatra bharpoor paayi jaati hain Strawberry aapke skin ko muhaase se protect karti hain.Strawberry aapke skin mein wrinkles, rookhepan ko door karta hain. Strawberry ka juice ka sewan bhi kar sakte hain..
Tips for glowing skin...
sabse phele aap 5-6 ps strawberry le fir usme half cup curd ke saath milaaye aap isme 1/3 bhaag mein 3 se 4 bade teaspoon honey ko achchi tarah se milaaye paste bana le or tvacha par lagaaye or 20 min baad paani se dho le.. face pe glow aayega
CUCUMBER....
Morning mein cucumber khaane se tvacha ki chamak badhti hain cucumber mein water content jyaada hota hain ye dry skin ke liye bahut fyaademand saabit hote hain Cucumber mein bharpoor maatra mein Vitamin A paaye jaate hain jo tvacha related problems ko door rakhne mein kaaragar saabit hote hain..
Tips for glowing skin...
Cucumber ko ghees le or usme honey mila le fir isko face pe lagaa kar 15 min me liye rakhe or uske baad water se dho le weekend mein 2 baar karne se face par glow aayega..
CARROTS...
Carrots mein Vitamin C or Antioxidants ki maatra bharpoor paayi jaati hain jo skin ko glow laane mein help karti hain. Carrot ka juice peene se aap skin related problems jaise ki Muhaase or anay daag dhabbe se door reh sakte hain Carrots mein potassium ki maatra bharpoor paayi jaati hain jo hamaare tvacha ko jaroori poshak tathya pradaan karte hain. Tvacha mein nami bani rehti hain Carrot ka juice peene se aapke body mein paani ki kami nahi hoti or skin ko hydrated rakhta hain..
Tips for glowing skin ...
Carrot ko peesh le ek teaspoon honey milaaye or 1 teaspoon milk milaaye apne face par 10-15 min lagaakar chor de, uske baad thande paani se dho le face par glow barkaraar rahega..
BUTTER MILK...
Agar aapko face pe glow chahiye toh suggest karoonga ki aap butter milk ka sewan jaroor karen. Khaane ke baad daily ek glass butter milk peene se face ki glow increase hoti hain. Buttermilk consume karne se aapke tvacha ki gandagee ko geharaee se saaf karta hain or chamak ko badhaata hain. Agar aapke face par anti-aging ki samasya hain toh butter milk ka sewan karen..
Tips for glowing skin...
1/2 cup butter milk 1 teaspoon tomato ki puree 5 boond olive oil or 5 boond gulaab jal ko mix karen isko 10-15 min tak face par rehne de fir saaf paani se dho le face par glow aayega...
TUMERIC...
Tumeric jisko hum Haldi kehte hain face ke liye bahut fyaademand saabit hote hain Inme antioxidants or inflammatory gunn paaye jaate hain jo daag dhabbe aging or sunburn ki samasya se raahat dilaate hain...
Tips for glowing skin ...
1 teaspoon tumeric powder 3-4 drops lemon juice 1 small teaspoon gulaab jal sabko milaakar paste bana le or is paste ko apne chehre par lagaaye or 10 min baad thande paani se face ko dho le...
JAGGERY.....
Agar aapko face mein glow chahiye toh suggest karoonga ki aap gur( jaggery) ka sewan karen. Gur mein antioxidants or poshak tathya ki maatra bharpoor paayi jaati hain Ye age badhne ki prakriya ko slow karta hain aur kaale daag dhabbe se raahat dilaate hain.Gur mein maujood Vitamin C hair fall se bhi bachaate hain..
Tips for glowing skin....
2 teaspoon gur ke powder mein 2 teaspoon honey or lemon ke boond milaaye is paste ko chehre par lagaaye 5-10 min ke liye chor de or uske baad paani se dho le..Face par glow jaroor aayega..
APPLE....
Apple health ke liye bahut fyaademand saabit hote hain kyoonki inme Vitamins, or Minerals paaye jaate hain ye saare poshak tathya body mein rog pratirodhak chhamata ko badhaata hain Apple health ke saath tvacha ke liye bhi fyaademand saabit hote hain. Apple tvacha ko hydrated rakhta hain Apple mein ultraviolet rays se bachaav ke gunn paaye jaate hain isliye suggest karoonga ki aap apple ka sewan jaroor karen...
Tips for glowing skin...
Agar aapko face par glow chahiye..
2 teaspoon ghisa hua apple
1 teaspoon anaar ka juice
1 teaspoon curd
In sab ko mix karen or 20 min face mein lagaakar chor de uske baad water se face ko dho lijiye. Chehre par nikhaar aa jayega..
TOMATOES....
Tomatoes mein lycopene paaye jaate hain jo anti-aging ki samasya ko door bhagaata hain. Tomatoes mein antigent gunn paaye jaate hain jo skin par hone waali soojan ko kam karta hain. Tomatoes ka juice health ke liye bhi fyaademand saabit hote hain or skin par glow bhi laata hain. Dhoop mein scorched skin hone se tomatoes ka sewan skin pe glow laati hain. Tomatoes mein maujood antioxidants or potassium face ko healthy banaaye rakhne ka kaam karti hain..
Tips for glowing skin...
Agar aapke pass samay ki kami hain toh ek tomato ko peesh kar apne face par laga sakte hain. 10 min tak face par lage rehne de uske baad face ko dho le. Daily use karne se tanning hategi or skin ke pores khulenge..
MUJHE UMMID HAIN KI AAPKO MERA ARTICLE PASAND AAYA HOGA...
THANKU..
MANISH AGARWAL....
FOLLOW ME ON agarwalmanis.blogspot.com
0 Comments:
एक टिप्पणी भेजें